Author: БАЯРХҮҮГИЙН АМАРТҮВШИН

Төвийн тоглогч дутмаг буй Милуоки Бакс баг Брүүклин Нетсээс төвийн тоглогч Тайлер Зеллерийг авлаа. Тэрээр Бугануудын дутуу байсан байрлалыг нөхөж чадахуйц биеийн хүч сайтай өндөр төвийн тоглогч юм. Харин түүний оронд Буганууд Рашад Вонн, драфтын 2-р тойргийн эрхээ өглөө.

Сакрамэнто Кингс баг Жорж Хиллээр Тристан Томпсон, Иман Шамперт хоёрыг авах наймаа бараг 2 долоо хоногийн өмнө болсон байна. Юунаас болоод бүтэлгүйтсэнийг мэдэхгүй ч Кингс энэ солилцоог хийснээр ирэх улиралд 8 саяын хэмнэлт гаргах байж.

Бостон Сэлтикийн яхир хамгаалагч Маркус Смартыг Денвер Наггетс сонирхсон байна. Тэд зөрүүлэн Эммануэл Мудиег санал болгосон аж. Гэвч Селтиксийн хүсч байгаа зүйл нь драфтын нэгдүгээр тойргийн эрх юм.

Клэвланд Кавальерсчууд ДеАндре Жорданг авах тун боломжийн санлыг Клиппэрст тавьжээ. Тэд Брүүклиний Драфтын эрх, Тристан Томпсон, ЖР Смит нарыг солилцооны эсрэг цонхон дээр байршуулсан байна. Гэвч сэргээн босголтын ажилдаа ханцуй шамлан орсон Клипперсчүүд яаж зөвшөөрхөв. Смитийн гэрээ гэдэг чинь хөгжлийн том тушаа.

Гэмтлийн улмаас Аарон Гордон слам данкт оролцохгүй болжээ. Аарон Гордоныг орлож Донован Мичелл слам данкт орхоор болсон байна.

Уилли Хернангомез солигдох хүсэлт гаргажээ. “Тоглож л байвал хаана ч яахав” гэсэн байна. Сэлгээнд суусаар карьер нь балрах гээд байгаа тоглогч доо.

Атлатнтаг 100 хувь хожсон тоглолтоо алдсаны дараа Порзингис : “Бид тоглолтыг яаж дуусгахаа мэдэхгүй байна, бид тоглолтын төгсгөлд хэрхэн хожих вэ гэдгийг мэдэхгүй байна” гэж бухимджээ.

Саяхан Чикаго Буллз баг Никола Миротичийг Нью Орлэйнс Пэликанс руу солилцоогоор явуулсан. Харин түүний оронд бухнуудын эгнээнд нэгдсэн Тони Алленг ОКС Тандер авахаар ярилцаж эхэлжээ. Аянганууд хамгаалалттай л SG хайгаад байна. Гэмтчихгүй л бол тэд зөв хүнээ л тоочиглосон байна даа. Тэд хэд хоногийн өмнө Эвери Брэдлиг сонирхсон тухай мэдээ гарсан. Бодвол Клипперс зарахгүй гэсэн юм байлгүй дээ, угаасаа цалин ч өндөр.

Чикаго Бүллс Робин Лопез, Жериан Грант хоёрыг солилцооны блокт байршуулжээ. Сонирхсон багууд холбогд гэсэн үг дээ.

Б.АМАРТҮВШИН

Оклахома сити Тандэр багийн хамгаалагч Андрэ Робирсон Дэтройт Пистонс багийн эсрэг тоглолтод гэмтэл авч талбайг орхисон билээ. Тэрээр Рассэл Вэстбрүүкийн дамжуулалтаар довтолгоо хийсэн ч буухдаа өвдөгний шөрмөсөө тасалсан юм. Тус гэмтэл ямар нэгэн контактгүй үед болсон учир хүнд бэртэл байж магадгүй гэсэн дүгнэлт байгаа. Түүний эргэж ирэх хугацааны талаар тодорхой мэдээлэл гараагүй ч энэ улиралд дахин тоглолтод оролцохгүй ажээ.

-УЭСТБРҮҮК, МЕЛО, ПОЛ ЖОРЖ, СТИВЕН АДАМС НАР ТАЛБАЙД АНДРЕ РОБЕРСОНТОЙ ГАРСАН ҮЕД УТГААРАА ХАМГААЛАЛТТАЙ БОЛДОГ-

ОКС-н хамгаалалтын рэйтинг Андрэ Робирсон болон гарааны бусад тоглогчид талбайд байгаа нөхцөлд 96,6 байгаа нь тун эерэг үзүүлэлт. Харин түүний эзгүйд 114,5 болж нэмэгддэг ажээ. Тус багийн хамгаалалт Андрэ Робирсонг байгаа нөхцөлд идэвхждэг. Түүний эзгүйд ОКС тун хэцүү тоглолтуудыг хийх юм. Мөн аваргын төлөөх дайралт нь магадгүй дахин нэг жилээр хойшлохыг үйгүйсгэхгүй билээ.

Б.АМАРТҮВШИН

Өнөөдөр Монголын сагсанбөмбөгийн холбооноос хэвлэлийн хурал хийлээ. Тус хуралд МСБХ-ны ерөнхийлөгч Ц.Цэвэрбал, Ерөнхий нарийн бичгийн дарга Б.Дамба нарын хүмүүс оролцсон юм.

Дээрхи хүмүүс “МСБХ-ны өмнөх ерөнхийлөгч Б.Тамир хуучин нэр, тамга, тэмдгийг одоо хүртэл ашиглаж байгаа бөгөөд үүнээс болж холбоон дотор зөрчил үүссэн хэвээр байгаа” гэдгийг онцоллоо.

Оюуны өмч, Улсын бүртгэлийн газрын дарга Р.Содхүү 2017 оны нэгдүгээр сарын 18-нд Монголын сагсан бөмбөгийн холбооны Төрийн бус байгууллагын улсын бүртгэлийг хүчингүйд тооцсон А/47 тушаал гаргажээ. Улмаар Монгол Улсын гурван шатны Шүүхээр хэлэлцсэн эцсийн шийдвэрийг Монгол Улсын дээд шүүх тогтоолоо гарган шийдвэрлэж, МСБХ-ны хууль ёсны ерөнхийлөгч нь Ц.Цэвэрбал, Ерөнхий нарийн бичгийн дарга Б.Дамба гэдгийг дахин нотолсныг тэд танилцууллаа.

Энэхүү шийдвэрээр МСБХ-ны хууль ёсны ерөнхийлөгч Ц.Цэвэрбал гэдгийг нотлосон байна. Тэд “сагсан бөмбөг сонирхогч хүүхэд залууст МСБХ-ны удирдлагын талаарх буруу ойлголтууд ийнхүү Дээд шүүхийн шийдвэрээ эцэс болж, хууль биелүүлэхийг холбогдох байгууллага, албан тушаалтнуудаас шаардаж байна” гэв.

Энэ үеэр МСБХ-ны ерөнхийлөгч Ц.Цэвэрбал “Шүүхийн маргаан үүссэн учир бид бүрэн үйл ажиллагаа явуулж болохгүй болсон. Тэмцээн уралдаан зохиох гэж ивээн тэтгэгчтэй уулзахаар танай холбооны ерөнхийлөгч Б.Тамир юм биш үү гэх мэт зохистой ажил явуулахад ямар ч боломжгүй байсан. Бид 3-4 жил цагдаа шүүхээр явалгүй тэсч хүлээн эцсийн шийдвэр гартал явсан. Өнөөдөр эцсийн байдлаар энэхүү маргаан төгсгөл болж байна. Өнөөдрийн байдлаар МСБХ гэдэг нэг холбоо байна. Түүний ерөнхийлөгчөөр Ц.Цэвэрбал, Нарийн бичиг нь дарга нь Б.Дамба юм.

Энэ маргаанаас үүдэн Монголын сагсан бөмбөгийн холбооны нэр, хүчингүй болсон хуурамч тамгыг ашиглан өөрийгөө МСБХ-ын ерөнхийлөгч гэж мэдэгдэж буй Б.Тамир гэх хүн хууль бус үйл ажиллагаа явуулсаар дөрвөн жил боллоо. Мөн БТСГ-ын дарга Ц.Шаравжамц Б.Тамиртай нийлж, хууль бус тамга ашиглан, үйл ажиллагаа явуулж байгааг зогсоох хэрэгтэй. Энэ байдлаас үүдэж сагсан бөмбөгийн шигшээ баг нэрийн дор тамирчдыг цалинжуулах, бэлтгэл сургуулилт хийх зардал гаргах, гадны хөрөнгө оруулалтыг хууль бус холбоогоор дамжуулан тараахаас гадна хууль бус холбоонд Спортын төв ордныг ашиглуулж байна. Иймээс МСБХ-ны хууль ёсны удирдлагууд болох Ц.Цэвэрбал, Б.Дамба нар тамирчдын эрх ашгийг хамгаалан Үндэсний дээд лигийн тоглолтыг Спортын төв ордонд тоглуулах, хууль бус этгээдүүдтэй хамтран хийж буй ажиллагааг зогсоохыг Ерөнхий сайд У.Хүрэлсүх, салбарын сайд Ц.Цогзолмаа нараас хүсч байна. Сагсан бөмбөгийн спортод үүсээд байгаа хагарал, хуваагдал, хямралыг зогсоохыг бид хүлээж байна” гэв.

Тэрээр сэтгүүлчдийн асуултад хариуллаа.

-Та бүхэн МСБХ-ны банкыг шалгаж үзсэн үү? Энэ тал дээр ямар нэг асуудал байсан уу?

-Энэ асуудал дээр бид болгоомжтой хандсан. Худалдаа хөгжлийн банкин дээр данс байдаг юм билээ. Тэр дансны үйл ажиллагаа хаалгасан байгаа. Бидэнд банк ямар нэг мэдээлэл өгөхгүй. Тэр дансанд бид нар ямар ч хамааралгүй, халдах эрх байхгүй. Шүүхийн эцсийн шийдвэр гартал бид ямар ч данс нээгээгүй.

-МСБХ нь хэр төсөвтэй байгууллага вэ. Хөндлөнгөөс харахад ямар нэг улс төрийн хүчин зүйл нөлөөлж байна гэсэн хардлага байна?

-Тийм хардлага байсан. Одоо ч байгаа байх. 90-ээд онд ганц сагсанбөмбөг биш Монголын ихэнхи салбар нуран унасан. Тэгээд бид цаг үетэйгээ хөл нийлүүлж лиг гэх тэмцээн хийе гэж шийдсэн. Тэгээд 10 жил үйл ажиллагаа нь тогтмол явсан. Аливаа нэгэн юм элэгддэг хуучирдаг. Цаг үеэсээ хоцордог. Өөрчлөлт шинэчлэл хийх үеээ алдаад 20 орчим жил боллоо. Томоор бодоход Америкт хүртэл иймэрхүү зүйл болсон. Хуваагддаг задрах зүйл бий. Хамгийн гол нь нэгдэх хэрэгтэй.

Б.АМАРТҮВШИН

Бид өмнө нь Америкийн сагсанбөмбөгийн лигийн бүх
оддын тоглолтын гарааны тоглогчдыг танилцуулсан билээ. Тэгвэл сэлгээний
бүрэлдхүүн тодорхой болж хоёр багийн ахлагчид болох Стэфэн Көрри, Лэброн Жэймс
нар сонголтоо хийв. Эхний сонголтыг Лэброн Жэймс хийх эрхтэй байсан бөгөөд Стеф
тоглолтын өмсгөлөө сонгосон юм.

Лэброн Жэймсийн багийн
гараанд:

Багийн ахлагч-Лэброн Жэймс(CAV)-26.8 оноо, 7.9 самбар, 8.6 ассист, 54.9 хувийн довтолгоо

Довтлогч-Кэвин Дурант(GSW)-25.9 оноо, 6.9 самбар, 5.6 ассист, 2 хаалт

Хамгаалагч-Кайри Ирвинг(BOS)-24.5 оноо, 3.8 самбар, 5 ассист, 32.9 минут

Төвийн тоглогч-Дэмаркуз Казинс(NOP)-25.4 оноо, 12.9 самбар, 5.2 ассист, 1.6 хаалт

Довтлогч-Энтони Дэвис(NOP)-26.5 оноо, 10.4 самбар, 2 хаалт, 55.6 хувийн довтолгоо

Сэлгээ: Клэй
Томпсон, Дрэймонд Грийн, Жон Вол, Карл Энтони Таунс, Дамиан Лиллард, Брэдли
Бийлл, Кэвин Лов.

Стэфэн
Көрригийн багийн
гараанд:

Стэфэн Көрри(GSW)-27.6 оноо,
5.2 самбар, 6.5 ассист, 1.6 таслалт

Гианнис Антэтокумпо(MIL)-28.2 оноо, 10.1 самбар, 4.6 ассист, 54.6 хувийн довтолгоо,
1.3 хаалт

Жэймс Хардэн(HOU)-31.2 оноо, 4.8 самбар, 9 оновчтой дамжуулалт, 35.9 минут,
1.8 таслалт

Дэмар Дэрозан(TOR)-24.7 оноо, 4.1 самбар, 5 ассист, 34.5 минут, 47.7 хувийн
довтолгоо

Жоэл Эмбийд(PHI)-23.7 оноо, 10.9 самбар, 3.3 ассист, 1.9 хаалт

Сэлгээ: Рассэл
Вэстбрүүк, Жимми Батлэр, Ламаркус Алдриж, Кирстапс Порзингиз, Виктор Оладипо,
Ал Хорфорд, Кайл Лаури.

Б.АМАРТҮВШИН

Өдөр бүр НБЭ-д олон олон рекорд амжилтууд эвдэгддэг. Харин өчигдөр 30 мянган оноог давсан найм дах тоглогч төрлөө.

Алдарт Коби Бэн Брайнт 30 мянган онооны босгыг 34 нас 101 хоногтойдоо давж байв. Харин энэ оргилд Вилт 35, Карийм Абдул Жаббар, Карл Малонь нар 36, Майкл Жордан 38 насандаа тус тус хүрсэн. Энэхүү эрхмүүд зөвхөн Америк гэлтгүй бүхэл бүтэн дэлхийн сагсны түүхийг өгүүлэх аугаа нэрс. Харин хамгийн залуу буюу 34 нас 25 хоногтойдоо энэхүү амжилтад хүрсэн тоглогч бол Кинг Жэймс. Мөн энэхүү өндөрлөгт гарсан анхны жижиг довтлогч билээ.

-ТҮҮНИЙГ АЛМАЗ МЭТ ТӨГС БИЕ НЬ БУРХАН БОЛГОЖ ШОНХОР МЭТ ХУРЦ УХААН НЬ ЧӨТГӨР БОЛГОСОН-

Буун дуунаар дэлбээлсэн цэцэг

Түүний оргилд хүрэх зам дардан байсангүй. Америкийн ядуусын хороололд өссөн түүнийг ердөө 16 настай өрх толгойлсон эх нь өсгөсөн юм. Орой бүр буун дуу тас хийх чимээнээр ээжийгээ харуулдан суудаг Лэброн хүү болон хүүхдээ өлсгөхгүйн төлөө хичээх түүний ээж Глориа Мариа Жэймс нар үргэлж л нүүж байдаг айл байв. Түүний ээж идэх хоол, тогны мөнгөө танан Лэбронд тоглолтын пүүз авч өгдөг байсан нь өдгөө энэ их амжилтынх нь эхлэл байсан байх.

-АКРОН ХОТООС ДЭЛХИЙД ҮСЭРСЭН ОЧ-

Тэр Винсэнт Мариагийн ахлах сургуульд элсэн орсноор бүх америк даяар түүний нэрийг дурсаж эхэлсэн юм. Лэброн ахлах сургуулийн анхны жилдээ л 21 оноо, 6 самбараас бөмбөг авалт дундчилж баг нь 27-0 амжилттай дивизоны аварга болж байлаа. Улмаар дараа жил нь түүний амжилт улам нэмэгдэв. Акрон хотын Родэс цэнгэлдэхэд 5492 хүн түүний тоглолтыг үзэхээр ирж байв. Улмаар ахлах сургуулийн багийн хамт улсын аваргын тэмцээнд түрүүлж коллэж болон НБЭ-гийн багий скаутуудын харааг булааж байв. Залалт, хурд, хүч, тэсрэлт, аварга том биетэй ахлах сургуулийн хүүг Америк улсын баг бүр л сонирхож байлаа. Улмаар Лэброн Жэймс 2003 оны драфтад өөрийн нэрийг өгөв.

2003 оны драфт бусад драфтын ангиудаас онцлог. Яг л 1984, 1996 оны драфт адил. Түүх худлаа ярьдаггүй, аугаа тоглогчид НБЭ-д аугаа эрин үеийг авчирдаг. 1984 оны драфтаар Майкл Жорданг даган Хакийм Олажувон, Чарлэз Баркли, Жон Стоктон, Элвин Робэртсон нар элсэж НБЭ цэцэглэв. 1996 онд Коби Брайнт, Аллэн Айвэрсон, Рэй Аллэн, Стив Наш нараар НБЭ хөгжсөн юм. Харин 2003 оны драфтын анги НБЭ-ийг төгөлдөржүүлсэн. Лэброн Жэймс, Дуайн Вэйд, Кармэло Энтони, Крис Бош тэргүүтэй тус драфтын анги нэгэн шинэ урсгалыг эхлүүлж байв.

Never say “never give up”

2003 оны драфтын залуус ид бужигнуулж эхэллээ. Драфтын тэргүүн Лэброн Жэймс Клэвланд Кавальерсд сонгогдов. Рүүкий улирaлдаа Жэймс 20 оноо, 5 самбараас бөмбөг авалт, 5 оновчтой дамжуулалт өгч, тааруу амжилттай Клэвландын морьтон цэргүүдийн амжилтыг 18 хожлоор ахиуллаа. Энэ цагаас хараагдсан гэх Клэвланд хотын мэргэжлийн спортын баг аварга авдаггүй цуварлыг зогсоохоор сонгогдсон хүү хэмээн хотын ард иргэд нууцхан бодол тээж эхлэв. Тэр ч итгэлийг нь алдалгүй 2007 оны НБЭ-ийн финалд морьтон цэргүүдийн хамт гарав. Тус баг НБЭ-ийн финалын түүхэн дэх магадгүй хамгийн муу баг байсан. Харин эсрэг талд нь НБЭ-ийн ноён оргил Сан антониа Спүрс байлаа. Тэд морьтон цэргүүдээс багийн лидэр, дасгалжуулагч, бүрэлдхүүний хувьд хэт тасарсан баг байсан юм. Аугаа Тим Данкан финалын цуварлын дараа Лэброн Жэймсийн чихэнд “Удахгүй энэ лиг чинийх болно” хэмээн хэлсэн нь оргүй үг биш байв.

2008-2010 оны улирлуудад НБЭ-ыг ноёлж байсан тоглогч яах аргагүй Коби Брайнт юм. Харин тухайн үеийн хамгийн шилдэг баг их гурвалаар ахлуулсан Бостон Сэлтикс байлаа. Пол Пийрс, Кэвин Гарнэтт, Рэй Аллэн болон Ражон Рондо тэргүүтэй Сэлтиксчүүд дорнод бүсийг илүүрхэж байх хугацаанд Лэброн Жэймс НБЭ-гийн финалд дахин шалгарч чадаагүй юм.

-АУГАА БҮХЭНД МАШ ИХ ТӨЛӨӨС ХЭРЭГ БОЛДОГ-

2010 оны долдугаар сарын нэгэнд чөлөөт агентийн зах зээл нээгдэв. Тоглогчдын нэрсийн хамгийн оргилд Лэброн Жэймс байсан бөгөөд ихэнхи аналистууд багтайгаа гэрээ байгуулна хэмээн үзэж байлаа. Түүний шийдвэрийг дэлхий даяар чих тавин сонсож байв.

Тус оны долдугаар сарын 8-ны өглөө ESPN сайтын онцлох буланд дэлхийг цочироосон нэгэн мэдээлэл цацагдав. Энэ нь “Лэброн Жэймс Миами Хит багт нэгдлээ” гэсэн гарчиг бүхий нийтлэл байсан юм. Клэвландын фэнүүд түүний өмсгөлийг шатааж урвагч, аймхаагаар нь дуудаж байв. Орландо Мэйжикийн дасгалжуулагч Стэн Ван Ганди “Тэр өрсөлдөөнөөс урвалаа” гэж хүртэл хэлж байлаа. Энэ шийдвэр зөв эсэхийг мэдэхгүй ч Лэброныг бууж өгсөн хэмээн дэлхий нийтээр шүүмжилж эхэлсэн юм.

Харин энэ үйл явдалтай зэрэгцэн Миами Хитэд шинэ их гурвал үүслээ. Ид үедээ гялалзаж буй гурван од болох 2003 оны драфтын ангийн найзууд нийлсэн байв. Тэдний нэрсийг үсэглэвэл Дуайн Вэйд, Лэброн Жэймс, Крис Бош нар юм. Улмаар НБЭ-д нэгэн доминант баг үүсэв.

Уналт бүр амжилтад нэг алхам ойртуулдаг

Шинэ их гурвал НБЭ сонирхогч хүн бүрийн ярианы сэдэв болсон юм. Тэд тоглолт бүр дээр шүүмжлэлтэй тулж байлаа. Их гурвал учираа олоогүй л байв. Ид үедээ яваа гурван супер одыг нэгтгэх амаргүй ажил Миами Хитийн дасгалжуулагч Эрик Споилстрод ирсэн юм. Крис Бошийн тоглолт уналтад орж Лэброн, Вэйд хоёр хувийн тоглолт үзүүлсээр улирал дуусав.

Плэй-оффд Индиан Пэйсэрсиийг буулган авч Бостон Сэлтикстэй бүсийн финалд урчраа таарлаа. Дахин томын ханны өмнө ирэв. Өмнөхөөсөө өөр нь Лэбронд харьцангуй сайн бүрэлдхүүн шилдэг дасгалжуулагч байлаа. Тэр асар хүнд долоон тоглолтын төгсгөлд НБЭ-ийн финалтай дахин нүүр тулсан юм….

Хэний ч төсөөлөөгүй баг тэдний өмнө ирсэн байв. Дирк Новицки тэргүүтэй Даллас Мавериксчууд орчин цагийн шинэ элитүүдтэй. Энэхүү финалын цуврал хүн бүхний сэтгэлд тод томруун үлдсэн байх.

Дирк Новицки хүссэн газраасаа оноо түүж харин эсрэг Шон Марион Лэброн дээр гайхалтай хамгаалалт хийж байлаа. Хашир туршлагатай Маверикс ялалт авах бүх л боломжийг ашиглаж аваргын финалд ялалт байгуулав.

“Финалын цуварлын зургаа дахь тоглолт дуусч анхны аваргын цолоо хүртсэн Новицки өөрийн сэтгэл хөдлөлөө үзүүлэлгүй хувцас солих өрөөлүүгээ гүйн орлоо”. Энэхүү гайхамшигтай мөч хэзээ ч камерийн дуранд үлдээгүй юм.

Харин эсрэг талд Лэброн Жэймс гэх тоглогчийн царайнд түүний “ҮНЭН” илэрхийлэгдэж байв. Тэр мөчийг үзсэн хэн ч “Аварга гэх цолын үнэ цэнийг ойлгох бизээ”.

-BACK-TO-BACK CHAMPIONSHIPS-

Дараа улирал нь нарлаг Миамид хэд хэдэн шинэчлэл явагдлаа. Хамгийн гол нь Дуайн Вэйд өөрийн лидерийн статусаа бүрэн Лэброн Жэймсд өгсөн явдалд байв. Улмаар НБЭ-д нэгэн аугаа хослол үүссэн юм. Нэгнээ төгс мэдэрсэн хамтрагчид тэр жилийн финалд төвөггүй гарч чадлаа.

Финалд залуу бүрэлдхүүнтэй Оклахома сити Тандэр тэдний өмнө зогсож байв. НБЭ-д бүрэн хүлээн зөвшөөрөгдөж чадаагүй тоглогчид байсан ч ур чадварын хувьд Миами Хитээс дутхааргүй бүрэлдхүүн байлаа.

Өдгөө тэд НБЭ-г ноёлсон шилдэг тамирчид болжээ. Тэдний нэрсийг дурьдвал Кэвин Дурант, Рассэл Вэстбрүүк, Жэймс Хардэн болон Сэрж Ибака юм.

Гэвч тэр жилийн аварга цолыг хүртэх ёстой баг нь Миами Хит байлаа. Финалын цуврал зургаан тоглолтонд шийдэгдэв.

Үргэлжлэл бий……

Б.АМАРТҮВШИН