Author: Дашдаваагийн Мөнхжаргал

2023 он хэрэгжүүлэхээр төлөвлөсөн ажлууд бараг бүгд бүтэх боломжтой. Нарийн мэргэжлийн болон уран бүтээлийн ажилтай хүмүүс амжилттай байх магадлалтай. Нарийн мэргэжлийн хүмүүст гадаад улсад суралцах, мэргэжлийн ур чадвараа дээшлүүлэх боломж олдоно. Албан тушаал дэвших боломжийг алдалгүй ашигла. Мэргэжлийн ур чадвараа харуулах боломжоо зөв ашиглавал нөлөө бүхий хүмүүст сайхан сэтгэгдэл төрүүлэх болно. Од эрхсийн таатай нөлөөг зөв ашиглаарай. Харин одоо эрхэлж буй ажилдаа сэтгэл дундуур байдаг хүмүүст багагүй асуудал үүснэ. Өөрийн сул талаа засаж, юу чаддагаа нээн олох цаг. Санхүүгийн хүндрэлээс болгоомжил. Мөнгөө гамгүй зарцуулах шинжтэй байна. Оны дунд үед тохиолдож магадгүй санхүүгийн хүндрэл саадыг өөрийн ур чадвараар даван гарснаар оны эцэс гэхэд санаа зовоосон асуудлыг ашигтайгаар шийдвэрлэж чадна. 2023 онд хайрын харилцаанд гаднын нөлөө их оролцоно. Хайртай хүмүүстэйгээ хамт байх цагийг зохицуулахад ихээхэн хүч чармайлт зарцуулна. Гэр бүлтэй хумхууд үр хүүхдүүддээ сайн анхаарал тавьж, тэдний эрүүл мэнд, боловсрол хүмүүжилд санаа тавь. Ганц бие хүмүүст од эрхэс сайхан учрал, үнэнч хайр билэгдэж байна. Гэхдээ хайрын эргүүлэгт толгой нь эргэх магадлалтайг анхаар. 2023 онд эрүүл мэндээ сайн анхаарч, яаралтай эмчилгээ гарвал хойшлуулж болохгүй. Эрсдэлтэй зүйл хийхээр бол эрүүл мэндийнхээ аюулгүй байдлыг нэн түрүүнд анхаар. Урьдчилан сэргийлж чадвал эрүүл мэнд оны турш сайн байх магадлалтай. Мөн эрүүл амьдралын хэв маягт анхаарч, архаг хууч өвчнөө сэдрэхээс сайн сэргийлээрэй.

Энэ онд хониныхон нийгмийн олон үйл явдалд оролцож, амьдралын идэвх өндөртэй байна. Ажил хэрэгтээ амжилт олохын тулд багагүй бэрхшээлүүдийг давах хэрэгтэй ч өөрийн гаргасан шийдвэрээ хамгаалж, анхаарал болгоомжтой байвал ямар ч саадыг даван гарна. Оны эхэн үед хэрэгжүүлж буй төслийнхөө төсвийг хэтрүүлэхгүй байхад анхаар. Санхүүгийн байдал тийм ч найдвартай биш байх тул олсон мөнгөө үрэх гэж яарах хэрэггүй. Хууль эрх зүйн асуудал таны сэтгэл санааг зовоож болзошгүй. Эрүүл мэндээ анхаарч, яаралтай эмчилгээг хойшлуулж болохгүй. Жилийн дунд үед бага зэрэг санхүүгийн алдаанууд гарсан ч анхааралтай байснаар асуудлыг хохирол багатай шийдэж чадна. Санхүү мөнгөний шийдвэр гаргахдаа нөхцөл байдлыг бодитоор харж, зайлшгүй өр төлбөрүүдийг хойшлуулахгүйг хичээ. Гэр бүлд үүсэх бүрэн дүүрэн харилцан ойлголцох нь маргаашдаа итгэх итгэлийг авчирна. Ганц бие хүмүүс сонирхолтой сэтгэл татам нэгэнтэй учирна. Гэхдээ зуурдын учрал, хөнгөн сээтэгнэл аз жаргал авч ирэхгүй. Энэ жилийн дундуур эрүүл мэнддээ сайн анхаар. Халдварт өвчин тусах магадлал өндөртэй тул дархлааны системээ сайжруул. Жилийн турш өөрөө өөрийгөө эрүүл чийрэг байлгахад анхаарч, аливаа хямрал саадыг сэтгэл зүйн хувьд тайван хүлээж аваарай. Жилийн сүүл үеийг мэргэжлийн сургалтад сурах, ашиг сонирхлын бүлэгт элсэн орох зэргээр цагийг үр дүнтэй өнгөрүүлэхэд зориул. Гадаадад суралцах хүсэлтэй хүмүүс олон талын ач холбогдолтой санал хүлээн авна.

2023 оны эхээр аз туршсан үйлдэл хийж болохгүй. Өөртөө хэт өндөр шаардлага бүү тавь. Чухал санхүүгийн шийдвэр гаргахаас зайлсхий. Хувийн амьдралд ямар нэгэн алдаа нь буруу ойлголцол үүсгэх тул урьдчилан сэргийл. Уран бүтээлч хүмүүс онгод хийморьтой байна. Ажил хэргийн харилцаанд аль болох хууль зөрчихгүй байх зарчим баримталбал энэ 2023 ондоо багтаж боломжийн амжилт гаргаж чадна. Эрүүл мэнд хувьд сайн байх хамгийн гол баталгаа нь та өөрөө байна. Эрүүл мэнддээ байнга анхаарал тавьж, дархлааныхаа системээ сайн байлгахгүй бол халдварт өвчин тусч магадгүй. Халдварт болон харшлын өвчний суурь шалтгаан нь амьдралын буруу хэмнэл болон хэт ачааллаас үүдэлтэй байна гэдгийг сана. Энэ оны ажил хэргээ төлөвлөгөөний дагуу зөв зохион байгуулахгүй бол жилийн дунд үед багагүй хүчин чармайлт гаргах, их ачаалалтай ажиллах хэрэгтэй болно. Харин жилийн хагасаас хойш мөнгө санхүүгийн ашиг боломжийн байна. Ганц бие хүмүүсийн хайрын харилцаа бүтэлгүйтсэнээс болж сэтгэл санаа тогтворгүй байх магадлалтай. Гэхдээ бууж өгөлгүй амьдралын идэвхтэй хэмнэлийг баримтал. Жилийн сүүл рүү таныг баярлуулах учрал амьдралд гарч ирнэ. Олон нийтийн арга хэмжээнд идэвхтэй оролцвол сэтгэлийн шархаа эдгээх гэнэтийн учралыг хүлээн авна. 2023 онд хилэнцийнхэн ямар ч үед өөрийн дотоод сэтгэлийг захиран удирдахыг хичээж амьдрах нь нэн зохистой байна.