Казахстан улсын нийслэл Астана хотод Монголын боксын эмэгтэй шигшээ баг хамтарсан бэлтгэл хийж байна. Энэ удаагийн олон улсын багийн хамтарсан бэлтгэлд ОХУ, Казасхтан, Украйн, Узбекистан, Монголын баг тамирчид багтжээ. Энэхүү бэлтгэл гуравдугаар 1-11-ний өдрүүдэд болж байна. Олон улсын бэлтгэлд хамрагдаж байгаа манай боксчид Астанад болох олон улсын “А” зэрэглэлийн тэмцээнд оролцох юм. Тамирчдын бэлтгэлтэй Биеийн тамир, спортын газрын Гадаад харилцаа, статистик, мэдээллийн технологийн хэлтсийн дарга Н.Оюунбат, Баян-Өлгий аймгийн Биеийн тамир, спортын газрын дарга Х.Хайнар нарын албаны хүмүүс танилцжээ.
Багийн бүрэлдэхүүнд эмэгтэй шигшээ багийн ахлах дасгалжуулагч Б.Пүрэв-Очир, дасгалжуулагч н.Галтбаатарын удирдлага дор ДАШТ-ий хүрэл медальт М.Нандинцэцэг тэргүүтэй дараах тамирчид багтжээ.
- 54-кг-д М.Нандинцэцэг /ОУХМ/
57-кг-д Т.Болортуул /ОУХМ/
48 кг-д О.Жаргалан /спортын мастер/
48-кг-д У.Алтанцэцэг /спортын мастер/
48 кг-д Б.Мөнгөнсаран /спортын дэд мастер/
51 кг-д М.Энхжаргал /спортын мастер/
64 кг-д Л.Шинэцэцэг /спортын мастер/
60 кг-д М.Намуун /ОУХМ/
69 кг-д Э.Эрдэнэтуяа /спортын мастер/
75 кг-д М.Мягмаржаргал /спортын мастер/нар олон улсын бэлтгэлд хамрагдаж байна.