Улаанбаатарын хотын иргэдийн амь нас эрүүл мэндийг хамгаалах үүднээс энэ сарын 17-ны өдрийн 18:00 цагаас өнөөдрийг дуустал архи согтууруулах ундаагаар үйлчлэх, худалдан борлуулахыг хориглосон.
Тэгвэл энэ шийдвэр хэрэгжсэн өдрүүдэд Улаанбаатар хотын хэмжээнд гэмт хэргийн гаралт 36 хувиар буурсан үзүүлэлт гарчээ. Мөн Цагдаагийн шуурхай дуудлагын утас 102-т өдөрт ирдэг дуудлага 1036-с 540 болж буюу 47.8 хувиар буурсан байна.
Тус хориг шөнийн 00:00 цагт цуцлагдана.
