УИХ дахь Ардчилсан намын бүлэг өнгөрөгч долоо хоногт хуралдаж, намын эв нэгдлийг хангах ажлын хэсэг байгуулсан юм. Ажлын хэсэг өчигдөр /2022.01.04/ хоёр талд хуваагдаад буй АН-ын ҮБХ-ны нийт гишүүдийг оролцуулсан “Эв нэгдэл” зөвлөлдөх уулзалтыг зохион байгуулсан бөгөөд уулзалтаас ҮБХ-ны хурлын товоо гаргасан юм. Тодруулбал, энэ сарын 10-ны өдөр буюу ирэх Мягмар гаригт Ардчилсан нам Үндэсний бодлогын хороогоо хуралдуулахаар боллоо.