“Apple” компанийн ухаалаг бугуйн цагандаа цусны даралт хэмжих функц нэмэх ажил сааталтай тулгараад байна.
Шинэ технологи хамгийн ойрхондоо 2024 онд бэлэн болохоор байгааг эх сурвалж мэдээлжээ. Тус компанийн мэргэжилтнүүд “Apple Watch”-ийн мэдрэгч болон программ хангамжийг шинэчлэхээр ажиллаж байгаа аж. Ингэснээр ухаалаг цаг хэрэглэгчийн цусны даралт ихсэхэд мэдээлдэг болох юм.
“Apple” шинэ функцээ нэвтрүүлэхээр дөрвөн жил гаруй ажиллаж байгаа аж. Хэдий тийм боловч цусны даралтыг нарийн тооцоолоход хүндрэлтэй байгаагаас 2025 он хүртэл ч хойшилж магадгүй байгааг эх сурвалж онцоллоо.