ВАШИНГТОН. /АР/. АНУ-д коронавирусээс урьдчилан сэргийлэх дархлаажуулалтад хэрэглэсэн вакцины тун 50 саяыг давсан гэж АНУ-ын Өвчнийг хянах, урьдчилан сэргийлэх төвөөс мэдээлжээ.
Тус төвөөс мэдээлснээр, АНУ-д 37 сая орчим хүн вакцины эхний тунг хийлгэсэн бол, 13 сая хүн хоёр тунг хоёуланг нь хийлгэсэн байна. Энэхүү статистикт BioNTech/Pfizer, “Moderna” компаниудын вакцин хийлгэсэн хүмүүсийн аль алиных нь мэдээллийг оруулсан гэдгийг тодотгожээ.
Америкт цар тахал дэгдсэнээс хойш 27.5 сая хүн халдвар авснаас 481 мянга гаруй хүн нас барсан байна.
Дэлхийн улс орнууд хүн амаа вакцинжуулж эхлээд байгаа хэдий ч энэ сарын 11-ний байдлаар 130 орчим орон одоог хүртэл “COVID-19”-ийн вакцинжуулалтыг эхлүүлээгүй байна.