АНУ-ын Хүнс, эмийн агентлаг 20 жилийн түүхэнд анх удаа Альцгеймерийн өвчин буюу тархины хатангиршлийг эмчлэх эмэнд зөвшөөрөл олголоо.
Альцгеймерийн өвчинтэй тэмцэх “aducanumab” хэмээх эмийг албан ёсоор бүртгэсэн ба энэхүү эм нь “Biogen” компанийн бүтээгдэхүүн юм.
“Адуканумаб ” нь хүний тархины эсийг гэмтээж, ой санамж, сэтгэхүй, харилцааны асуудалтай болгодог амилоид уургийг устгадаг байна. Дэлхий дахинд 65-аас дээш насны 30 гаруй сая хүн Альцгеймерийн өвчнөөр шаналж байна. Мөн 80-аас доош насныханд буюу өвчний эрт шатандаа байгаа хүмүүст илүү тохиромжтой аж. Сүүлийн 10 жилийн хугацаанд Альцгеймерийн өвчнийг анагаах зориулалттай 100 гаруй эм бэлдмэлийг судалсан ч аль нь ч үр дүнгээ үзүүлж чадахгүй байв.
Уг эм нь хөгшрөлтийн хамгийн түгээмэл хэлбэр болох Альцгеймерийн өвчний шинж тэмдгийг арилгах бус харин үндсэн шалтгаанд нөлөөлж үйлчилдэг аж.