Дорноговь аймгийн Сайхандулаан суманд Японы “Megatech” корпораци цахиур олборлох, баяжуулах үйлдвэр байгуулж нээлтээ хийлээ.
Энэхүү үйлдвэр нь түүхий эдийг боловсруулж, экспортлох анхны үйлдвэр болж байгаа аж. Тус үйлдвэр нь 10 сая ам.долларын хөрөнгө оруулттай бөгөөд сард 200-400 тонныг баяжуулах хүчин чадалтай юм байна. Мөн Сайншанд суманд 20 сая ам.долларын хөрөнгө оруулалтаар боловсруулах үйлдвэрийн бүтээн байгуулалтын ажлыг хийж байгаа аж. Ингэснээр “Megatech” корпораци нь Япон дахь өөрийн үйлдвэрийн түүхий эдийг Монголоос бэлтгэн авах боломж бүрдэх юм байна.