Өчигдөр оройн 19:20 минутаас Ардчилсан намын Үндэсний
зөвлөлдөх хорооны хуралдаан эхэлсэн. Энэ хурлаас намын зургаан асуудлыг
хэлэлцэх байсан юм. Гэвч хурал завсарлаж, өнөөдөр 11.40 цагаас үргэлжлэхээр
болсон.
Өчигдөр болсон хуралдаан ширүүн уур амьсгалд болж, Ардчилсан намын VI
их хурлыг 2016 оны арванхоёрдугаар сарын 6-нд хуралдуулахаар тогтсон байна.
ҮЗХ-ны хуралдаанаар 2016 оны УИХ-ын сонгуульд оролцсон тухай мэдээлэл сонсох,
Ардчилсан намын даргыг томилох тухай, Намын үндсэн дүрмийн шинэчилсэн
найруулгын төслийг бэлтгэх ажлын хэсгийг байгуулах, Ардчилсан намын VI их
хурлын товыг зарлах тухай, Ардчилсан намын VI их хурлын бэлтгэл ажлыг хангах
ажлын хэсгийг байгуулах тухай, Ардчилсан намын 2012-2016 оны үйл ажиллагаанд
үнэлэлт дүгнэлт гаргах ажлын хэсэг байгуулах тухай хэлэлцэхээр төлөвлөсөн юм.