Өнөөдөр дугаарын хязгаарлалт журмын дагуу үйлчилж байна. Жил бүрийн нэгдүгээр сарын 1-ний өдөр бүх нийтээр амардаг. Тиймээс нэгдүгээр сарын 1-нд автомашины улсын дугаарын хязгаарлалт үйлчлэхгүй. Мөн нэгдүгээр сарын 2, 3-нд амралтын өдөр таарч байгаа учраас дугаартын хязгаарлалт үйлчлэхгүй гэсэн үг.
НИТХ-ын 2012 оны 2/08 дугаар тогтоолын дагуу Улаанбаатар хотын зарим замуудад тээврийн хэрэгслийг улсын дугаарын ялгавартайгаар замын хөдөлгөөнд оролцуулдаг журамтай болсон. Энэхүү журам нь амралтын өдөр болон бүх нийтээр тэмдэглэх баяр ёслолын өдрүүдэд мөрдөгдөхгүй билээ. Баярын өдрүүдээр замын хөдөлгөөний ачаалал эрс нэмэгддэг учраас өнөө орой Чингис хааны нэрэмжит төв талбайд болох “Мөнгөн үдэш” арга хэмжээний дараа иргэдэд үйлчлэх тусгай автобусуудыг нийслэлийн Тээврийн газраас гаргаад байгаа юм.