Их Британийн иргэн Стив Нэш Монгол улсад аялаж явахдаа бусдын гарт амиа алдсан хэрэг гарсан тухай бид өмнө мэдээлсэн. Хэргийг ЦЕГ шалгаж, Архангай аймгийн харьяат Г гэгч үйлдсэн болохыг тогтоон, баривчлаад байна.
Монголын Уулчдын Үндэсний Холбоо, Монголын Агаарын Спортын Холбоо санаачлан уулчин, парапланы тамирчин Стив Нэшийн гэгээн дурсгалыг хүндэтгэх зул өргөх үйл ажиллагааг энэ сарын 18-ны өдөр 20.00 цагаас Үндэсний цэцэрлэгт хүрээлэнд зохион байгуулахаар төлөвлөжээ. Энэхүү зул өргөх ёслолд тамирчны араас буян үйлдэх хүсэлтэй хэн бүхэн оролцож болно гэдгийг зохион байгуулагчид хэлж байна.