Ам.долларын ханш тасралтгүй өссөөр сүүлийн үед 2000 давах боллоо. Өнгөрсөн баасан гариг гэхэд 2004 төгрөгтэй тэнцэж байсан юм. Сар шинийн баяр дөхөж байгаа энэ үед долларын ханш улам чангарсаар байх бололтой. “Найман шарга”-т өчигдөр долларыг 2005 төгрөгөөр авч, 2007 төгрөгөөр борлуулж байв. Харин өнөөдрийн байдлаар 2005 төгрөгөөр авч, 2008 төгрөгөөр борлуулж байна.
Мөн өнөөдөр Монголбанкнаас гаргасан валютын мэдээгээр ам.доллар 2003.48 төгрөгтэй тэнцэж байгаа бол “Уран уургач” валют арилжааны төв дээр 10.40 цагийн байдлаар долларыг 2001 төгрөгөөр авч, 2003 төгрөгөөр зарж байна.