Америкийн үндэсний сагсан бөмбөгийн лигийн Минесато Тимбэрволвэс болон Голдэн Стэйт Варриорс багууд Хятад улсад улиралын өмнөх тоглолтоо хийлээ.
Минесато Тимбэрволвэс сайн тоглолтоо үзүүлэн багаараа жигд сайн тоглосон ч тэдний өрсөлдөгч 32 онооны зөрүүтэй хожлоо. Залуу чононуудаас таван тоглогч арваас дээш оноо авч багаараа 49,3 хувьтай довтолсон. Багийн тулгуур довтлогч Андрью Виггинс 23 минутанд 21 оноог авч 70 хувьтай довтолсон нь үнэмлэхүй үзүүлэлт нь байв. Харин Алтан мужын дайчдаас хамгаалагч Клэй Томпсон ердөө 13 минутанд 28 оноо 6 оновчтой дамжуулалт гүйцэтгэж 8 удаа аркны ардаас хийсэн. Мөн багийн гол тоглогч Стефан Карри эхний гурван үед 40 оноо, 8 оновчтой дамжуулалт өгч 65 хувьтай довтоллоо.
Шинэ улирал хаяанд ирж сагсанбөмбөгийн гайхамшгийг мэдрүүлэхэд хэдхэн хоног үлдлээ. Агуу тоглогчдын гайхамшигт тэмцэл аваргын төлөөх тоглолтууд 10 сарын 18-нд эхлэнэ.
Б.АМАРТҮВШИН