Өнөөдөр NBA-ийн талбайд зургаан тоглолт боллоо. Эдгээрээс “Мемфис Гризлес”-“Финикс Санс” 95:93, “Детройт Пистонс”-“Лос Анжелес Лэйкерс” 111:91, “Даллас Маверикс”-“Вашингтон Визардс” 116:104, “Оклахома Сити Тандер”-“Сакраменто Кингз”, “Голден Стэйт Уорерз”-“Бруклин Нэтс”-ийг 114:98-аар тус тус хожсон юм.
Энэ улирал эхэлнээс хойш нэг ч ялагдаагүй байгаа “Алтан мужийн дайчид” ээлжит өрсөлдөгч “Бруклин Нэтс”-ийн талбайд зочиллоо. ОХУ-ын тэрбумтан М.Прохоров Үндэсний сагсан бөмбөгийн лигийн “Нью Жерси Нэтс” багийг худалдан авч, гурван жилийн өмнө К.Гарнетт, П.Пирс, Д.Уильямс, А.Криленко зэрэг туршлагатай тоглогчдийг авч ирсэн ч өндөр амжилт гаргаж чадаагүй. Улмаар дээрх сагсан бөмбөгчид өөр багт тоглож болж амжилт нь уруудсан. Энэ улиралд л гэхэд 20 тоглолт хийхдээ едөө тав хотоод байсан “Нетс”-ээс өнөөдөр аваргуудын эсрэг Т.Янг 25 оноо, 14 самбар, Б.Лопез 18 оноо, 8 самбар, С.Ларкин 13 оноо, 6 оновчтой дамжуулалт, Ж.Жек 11 оноо авсан.
Харин зочин багаас С.Карри 28 оноо, 5 самбар, Д.Грин 22 оноо, 9 самбар, 7 оновчтой дамжуулалт, К.Томпсон 21 оноо, Ф.Эзили 12 оноо, Л.Барбоза 11 оноо авч 114:98-аар хожсон.
С.Керрын шавь нар өөрсдийн гайхалтай амжилтыг үргэлжлүүлж 22 дараалан хожоод байна. Тэд улирал эхэлнээс хойш “Нью Орленс Плеиканс”-ийг 111:95, 134:120, “Хьюстон Рокетс”-ийг 112:92, “Мемфис Гризлес”-ийг 119:69, 100:84, “Лос Анжелес Клипперс”-ийг 112:108, 124:117, “Сакраменто Кингз”-ийг 103:94, 120:101, “Детройт Пистонс”-ийг 109:95, “Бруклин Нэтс”-ийг 107:99, 114:98, “Миннесота Тимбер Уолвез”-ийг 129:116, “Торонто Рэпторс”-ийг 115:110, 112:109 “Чикаго Буллз”-ийг 106:94, “Денвер Нагеттс”-ийг 119:104, 118:105, “Лос Анжелес Лэйкерс”-ийг 111:77, “Финикс Санс”-ийг 135:116, “Юта Жаз”-ийг 106:103, “Шарлотте Хорнетс”-ийг 116:99-өөр тус тус хожоод байна.
Мөн 22 дараалан хожихдоо тоглолт бүрт 100-гаас дээш оноо авч байгаа нь тэдний довтолгоон, хувилбар, багийн тоглолтыг хэрхэн зөв гаргах зэрэг бүх зүйлд нь ямар ч асуудал үүсэхгүй байгаагийн илрэл юм. Одоогийн байдлаар “Голден Стэйт Уорерз” 115.1 оноог нэг тоглолтонд дунджилж байгаа бол “Оклахома Сити Тандер” тэдэнтэй хамгийн ойрхон 107.7 оноотой байгаа юм.