Улаанбаатар хотын хэмжээнд яаралтай түргэн тусламжийн нийт 62 автомашин байдаг ба энгийн үед өдөрт нийслэлийн хэмжээнд 600-700 орчим дуудлагад явдаг байна. Харин цар тахал тархсан энэ үед ачаалал нь 30 хувиар нэмэгджээ.
Дуудлага бүр нь хүний амь нас, эрүүл мэндийн үнэтэй, минут, секунд бүртэй уралдаж ажилладаг эмч, сувилагч нарын техникийн нөхцөлийг сайжруулах зорилгоор “Akuma Zone Авто Сүлжээ”-ний хамт олон эдгээр яаралтай түргэн тусламжийн нийт 62 автомашины моторын тосыг үнэгүй сольж өгчээ.
“Юу байна, юу чадна түүгээрээ хүч нэмж цар тахлын ард эрүүл энх, эсэн мэнд гарч, амар тайван амьдралдаа эргэн орохын төлөө иргэн бүр, аж ахуйн нэгж бүр хариуцлага хандлагаа сайжруулах”-ыг “Акума” компанийн хамт олон уриалж байна.
