Ардчилсан эмэгтэйчүүдийн холбооны ерөнхийлөгчийн “сонгууль”-д 11 хүн нэрээ дэвшүүлснээс долоо нь нэрээ татсан. Ингээд УИХ-ын гишүүн С.Одонтуяа /АХХ/, Б.Ургамалцэцэг /“Алтангадас”/, И.Нарантуяа /”Шонхор”/, Г.Хажидмаа /МоАХ/ нар тунаж үлдсэн. Өчигдөр оройн 19.00 цагийн орчимд санал хураалтын дүн гарч олонхийн дэмжлэгийг С.Одонтуяа /319/ хүлээсэн ч нийт сонгогчдын 50 хувьд хүрээгүй гэх шалтгаанаар дахин санал хураалт явуулахаар болсон юм. Ингээд хамгийн өндөр санал авсан хоёр нэр дэвшигч болох С.Одонтуяа болон Б.Ургамалцэцэг нарын дунд дахин санал хураалт явуулж, хоёр дахь шатны санал хураалтын дүн 23:00 цагийн үед гарсан. Санал хураалтаар С.Одонтуяа ердөө нэг хүний саналын илүүгээр АЭХ-г удирдахаар боллоо. Тодруулбал, санал хураалтад оролцсон гишүүдийн 314 нь С.Одонтуяаг, 313 нь Б.Ургамалцэцэгт саналаа өгсөн юм.