Сүхбаатар дүүргийн прокурорын газрын хяналтын прокурор А.Цэрэнсодномыг Мөрдөн байцаах албаны Тусгай субьектийг шалгах хэлтсээс шалгаж эхэлжээ. Учир нь А.Цэрэнсодном хэвлэлд өгсөн ярилцлагадаа “Насанд хүрээгүй охидтой бэлгийн харьцаанд орсон Г.Наранхүү хэргээ нуун далдлахын тулд таван сая ам.долларыг бусдад өгч, хэргээ хаалгаж, эрүүгийн хариуцлагаас зугтсан” хэмээн ярьсан аж. Үүнтэй холбогдуулан иргэн Г.Наранхүү цагдаагийн байгууллагад гомдол гаргасан байна. Энэ талаар Цагдаагийн ерөнхий газраас тодруулахад, “Хэрэг шалгагдаж эхэлж байгаа тул дэлгэрэнгүй мэдээлэл өгөх боломжгүй” гэлээ.