24 дэх удаагийн Өвлийн олимпыг зорьсон Монгол Улсын тамирчин А.Энхтуул үндсэн төрөл болох гүйлтийн цанын 10 км-ын зайд уралдлаа.
Эмэгтэйчүүдийн 10 км зайн уралдаанд нийт 98 тамирчин оролцсоноос А.Энхтуул 37 минут 02.5 секундийн амжилтаар 85-р байр эзэллээ.
А.Энхтуул 98 тамирчнаас 96-д эрэмбэлэгдэн оролцсон ч 13 тамирчныг ардаа орхиж түрүү байраас 9 минутаар хоцорлоо. Түүний анхны олимп ийнхүү өндөрлөж байна.
Тус төрөлд Норвегийн Тереза Йохауг 28 минут 06.3 секундэд барианд орсноор аваргын алтан медалийг хүртсэн бол Финландын тамирчин Кертту Нисканен 28 минут 06.7 секундэд барианд орсноор мөнгөн медаль хүртлээ.
Харин хүрэл медалийг Финландын тамирчин Криста Пармакоски нэгдүгээр байрт орсон тамирчнаас 31.5 секунд хоцорч барианд орсноор хүртлээ.
Японы тамирчин Масако Ишида 30 минут 50.6 секундээр 27-р байрт орж Ази тивийн тамирчдыг тэргүүллээ.