Өрнөдийнхний сонирхлыг улам ихээр татах болсон, Хятад, Оросын дунд орших далайд гарцгүй Монгол Улсад Францын ерөнхийлөгч анх удаа айлчлах гэж байна. Ерөнхийлөгч Эммануэл Макрон Японд “Долоогийн бүлэг”-ийн дээд хэмжээний уулзалтад оролцсоныхоо дараа энэ ням гарагт тус улсад айлчилна гэж Елисейн ордон мэдээлэв.
Францын ерөнхийлөгч “Долоогийн бүлэг”-ийн дээд хэмжээний уулзалтад оролцохоорөнөөдөр Хирошимад очих юм. Тэрбээр ням гарагт дээд хэмжээний уулзалтын үр дүнгийн талаарх хэвлэлийн хуралд оролцсоныхоо дараа Улаанбаатарт богино хэмжээний айлчлал хийх бөгөөд энэ нь Францын ерөнхийлөгчийнтус улсад хийсэн анхны айлчлал болох юм.
Э.Макрон Монгол Улсын Ерөнхийлөгч Ухнаагийн Хүрэлсүхтэй хэлэлцээ хийх бөгөөд дараа нь хоёр удирдагч оройн зоог барина. Францын ерөнхийлөгч мөн XIII зууны “их хүн” Чингис хааны музейг үзэж сонирхоно. Тэрбээр тухайн өдрийнхөө орой Парис руу буцах юм.
Энэхүү айлчлалын тухай “Орос, Хятадын дунд орших далайд гарцгүй Монгол Улс бол ардчилсан сонгууль явуулдаг, либерал засаглалын загвартай, хоёр том хөрштэйгээ илүү найдвартай хамтран ажиллаж,түншлэлээ төрөлжүүлэхийг эрмэлздэг улс юм” гэж Елисейн ордноос гаргасан уг мэдэгдэлд онцолжээ.
Францын ерөнхийлөгч Монголд айлчлах үеэрээ ОХУ-аас хөрш улсдаа үзүүлж буй дарамтыг сулруулах, тэдэнд нэмэлт сонголт нээж өгөх ба Парисын эрмэлзэлийн нэг хэсэг болох “геостратегийн түвшний чухал асуудлыг” хэлэлцэнэ гэж энэ мэдэгдэлд онцлон дурдсан байна. “Монгол Улсын эрчим хүчний үйлдвэрлэлийн 90 хувь нь нүүрснээс хамааралтай, ногоон эдийн засагт шилжихэд бэрхшээлтэй тулгарч байгаатай холбоотойгоор хоёр талын түвшинд “хамтран ажиллах томоохон боломж бий” гэж Францын эрх баригчид үзэж байна гэж “AFP” мэдээлжээ.
Г.АМАРСАНАА