Ухаалаг гар утасны зах зээлийн хямрал ирэх онд ч үргэлжлэхээр байгааг “Sony” группийн Үйл ажиллагаа хариуцсан захирал мэдээлжээ.
Ухаалаг гар утасны дүрс таних төхөөрөмжийн үйлдвэрлэлээр дэлхийд тэргүүлэгч “Sony” баасан гарагт тайлангаа танилцуулах үедээ ухаалаг гар утасны зах зээлийн төлөв сөрөг байгааг анхааруулсан байна. Мөн агуулахад бэлэн бүтээгдэхүүний нөөц хуримтлагдсан нь тус компанид дарамт учруулахаар байгааг дурдсан байна.
Өнгөрсөн оны дийлэнх саруудад дэлхийн хамгийн том ухаалаг гар утасны зах зээл болох БНХАУ-д борлуулалт 10-аас дээш хувиар буурчээ. 2023 оны эхний гурван сард ч мөн буурсан үзүүлэлттэй байна.