Иван Поддубныйгийн бөхийн лигийн тэмцээн дөрөвдүгээр сарын 26-ны өдөр Казахстаны Алматы хотын “Балуан Шолак” аренад болно. Дөрөв дэх удаагийн “PWL”-т эмэгтэйчүүдийн 53 кг-ын жинд олимп, ДАШТ-ий хүрэл медальт, Монгол Улсын гавьяат тамирчин Бат-Очирын Болортуяа Дагестаны анхны эмэгтэй бөх, Европын хошой хүрэл медальт Милана Дадашеватай өрсөлдөхөөр болжээ.
Сонирхуулахад, Б.Болортуяа өнгөрсөн жил “PWL” анхдугаар лиг болон Яшар Догугийн нэрэмжит дэлхийн чансааны оноо олгох тэмцээний финалд түүнийг ялж түрүүлж байлаа.