Манай улсын тамирчид чөлөөт бөхийн Азийн аварга шалгаруулах тэмцээнээс есөн медаль хүртэв DNN.mn

Казахстан улсын Астана хотод чөлөөт бөх, сонгомол барилдааны Азийн аварга шалгаруулах тэмцээн энэ сарын 9-14-ний өдрүүдэд болж өнгөрлөө.

Уг тэмцээнээс манай улсын чөлөөт бөхийн тамирчид нэг алт, гурван мөнгө, таван хүрэл медаль хүртэж, амжилттай оролцсон байна. Шигшээ багийн эрэгтэй тамирчид 120 оноогоор дөрөвдүгээрт, эмэгтэй багийнхан 117 оноотой багийн дүнгээр зургаадугаар байрт оров.

Азийн АШТ-ий медальтнууд:

1. Мөнхтөрийн Лхагвагэрэл 125 килограммын жинд алтан медаль
2. Төмөр-Очирын Тулга 65 килограммын жинд мөнгөн медаль
3. Пүрэвдоржийн Орхон 62 килограммын жинд мөнгөн медаль
4. Чинболын Отгонтуяа 55 килограммын жинд мөнгөн медаль
5. Түмэнбилэгийн Түвшинтулга 61 килограммын жинд хүрэл медаль
6. Олонбаярын Сүлдхүү 74 килограммын жинд хүрэл медаль
7. Ганбаатарын Ганхуяг 92 килограммын жинд хүрэл медаль
8. Бат-Очирын Болортуяа 53 килограммын жинд хүрэл медаль
9. Энх-Амарын Даваанасан 72 килограммын жинд хүрэл медалийн эзэн болжээ.