2023 оны нэгдүгээр НӨАТ-ын буцаан олголтыг дөрөвдүгээр сард багтаан иргэдийн дансанд шилжүүлнэ хэмээн Татварын байгууллагын эх сурвалж мэдээллээ.
Өнгөрсөн оны дөрөвдүгээр улиралд 1.1 сая иргэнд 75.3 тэрбум төгрөгийг буцаан олгожээ. Харин шинэ оны эхний улиралд хэчнээн иргэнд хэдэн төгрөгийн буцаан олголт өгөх нь удахгүй тодорхой болно. Иргэд 2023 оны 1, 2, 3 дугаар сард худалдан авалт хийсэн төлбөрийн баримтаа системд бүртгүүлэх хугацааг энэ сарын 8-нд дуусгавар болгосон билээ.
Татварын байгууллага одоо дөрөвдүгээр сарын 1-нээс хойш бүртгэгдсэн баримтуудаа нягталж байгаа юм байна.