Хүний эрх, эрх чөлөөг хамгаалах, төсвийн хяналтыг сайжруулах талаар Өдрийн сонин дөрөв дэх засаглалынхаа үүргийг нэр төртэй гүйцэтгэж ирсэн билээ. Тэгвэл энэ удаа бид төрийн болон хууль хүчний байгууллагын хууль зөрчсөн үйл ажиллагаа нь олон нийтийн эрх ашгийг хөндсөн баримт, нотолгоог Өдрийн сониноор дамжуулан ил болгож, шүгэл үлээх боломжийг уншигч танд олгож байна.
Улс төрийн өндөр албан тушаалтан, төрийн албан хаагчдын авлига, албан тушаалын наймаа, цагдаа, хууль хүчний байгууллага иргэнийхээ эрхийг ноцтой зөрчдөг асуудал сүүлийн жилүүдэд нийгэмд ихээр хөндөгдөх болсон. Үүнийг баталгаажуулсан баримт нотолгоог ил болгож чадсанаар төсвийн хяналт сайжирч, монгол хүний эрх зөрчигдөхгүй байх боломж бүрдэх юм. Энэ тухай баримт нотолгоог иргэн та олон нийтэд хүргэхийг хүсвэл “Өдрийн сонин”-ы редакцид биеэр хүрэлцэн ирж хандаарай.
Таны шүгэл үлээж буй асуудал хөдөлшгүй баримт, нотолгоотой байх ёстойг анхаарна уу. Бид таны нэр болон холбогдох мэдээллийг чанадлан нууцалж, “Шүгэл үлээгч” гэх автораар нийтлэх болно.