“Будапешт-2021” ДАШТ-ий хүрэл медальт, “Алматы-2022” Азийн аварга, үндэсний шигшээ баг, “Хилчин” спорт хорооны тамирчин ОУХМ Ёндонпэрэнлэйн Басхүү Тбилисийн татамид мөнгөн медалийн эзэн боллоо.
Тэрбээр өчигдөр үдээс өмнө эзэн орны Лаша Надиразе, Израилийн Даниэль Капелушник, Италийн Маттео Пирас, Украины Богдан Ядовыг ялж финалд шалгараад байсан юм. Харин алтан медалийн төлөөх барилдаанд Кыргызстаны Кубаничбек Нургази-Уулуд цэвэр ялагдав. Энэ нь ялагдал байсан хэдий ч түүнд Их дуулга ангиллын 10 дахь медалийг авчирлаа.