Токиогийн Их Сургуулийн Сансар судлалын хүрээлэнгийн эрдэмтэд “KAGRA” огторгуйн дурангаар Орчлон ертөнц дэх таталцлын долгионыг илрүүлэх оролдлогыг ирэх тавдугаар сараас үргэлжлүүлэхээр болсноо мэдэгджээ. Японы төв хэсгийн Гифу мужид байрладаг “KAGRA” ажиглалтын төв нь хар нүх, нейтрон оддын нэгдэл зэрэгүйл явдлуудаас үүссэн орон зай, цаг хугацааны өчүүхэн гажуудлыг илрүүлэх зориулалттай юм.
“KAGRA” төслийнхөн 2020 онд хийсэн анхны ажиглалтынхаа үеэр таталцлын долгионыг илрүүлж чадаагүй юм байна. Уг телескопын мэдрэгчийг хангалттай түвшинд хүргэн тохируулга хийхэд коронавирусний цар тахал саад болсон гэж хүрээлэнгийн захирал, Нобелийн шагналт физикч Такааки Казита ярьжээ. Тэрбээр төслийн оролцогчид энэ гурван жилийн хугацаанд дахь анхны ажиглалтаа тавдугаар сард хийх гэж байгааг нэмж хэлсэн байна. Судлаачид ирэх хавар гэхэд “KAGRA” дурангийн мэдрэгчийн хүчин чадлыг арав дахин нэмэгдүүлнэ гэж найдаж байгаа аж. Тус багийнхан энэ чиглэлээр ажилладаг туршлагатай гадаадын байгууллагуудтай хамтран 18 сарын хугацаанд хийх ажиглалтынхаа үеэр таталцлын долгион илрүүлэхийг зорьж байна гэж “NHK” мэдээлэв.
Г.АМАРСАНАА