Нуурын мөсөн дээгүүр автомашинтайгаа явж байсан 49 настай эрэгтэй живж, нас баржээ. Тодруулбал, өчигдөр Сантын даваа гэх газар 21:24 цагт нуурын мөс цөмөрч, 49 настай эрэгтэй нас барсан гэх дуудлага цагдаагийн байгууллагад бүртгэгдсэн байна. Дуудлагын дагуу тус аймгийн Цагдаагийн газраас шалгалтын ажиллагааг үргэлжлүүлэхэд иргэн Э-г УАЗ фургон маркийн тээврийн хэрэгслээр Хөвсгөл нуурын мөсөн дээгүүр явахад нь мөс цөмөрч, 49 настай Э живж нас барсан бол хамт явсан 16 настай Т, жолооч Э нар нуурын уснаас эрсдэлгүй гарчээ.Тус аймгийн Онцгой байдлын газраас цогцсыг эрэн хайх ажиллагааг үргэлжлүүлж байгаа аж.
Иймд жолооч нарыг гол, мөсөн дээгүүр зорчихгүй байх, замд гарахдаа тээврийн хэрэгслийн бүрэн бүтэн байдлыг хангахыг цагдаагийн байгууллагаас анхааруулж байна.