Мөнгөний бодлогын хороо өнөөдөр хуралдсан. Хуралдаанаар бодлогын хүүг 1 нэгжээр нэмэгдүүлж, 13 хувь болгох шийдвэр гаргасан байна.
Шийдвэрийг танилцуулж Монголбанкны Ерөнхийлөгч Б.Лхагвасүрэн “Жилийн инфляц энэ оны арваннэгдүгээр сард улсын хэмжээнд 14.5 хувьтай гарлаа. Инфляц сүүлийн саруудад төсөөллийн дагуу буурч байна. Гэвч ирэх онд гадаад зах зээлийн болоон хүнс, шатахууны үнийн өсөлтийн шалтгаанаар инфляц нэмэгдэх хүлээлттэй байна.
Цаашид эдийн засгийн төлөв БНХАУ-ын “Тэг ковид” бодлого, хилийн боомтуудын нөхцөл байдал, төлбөрийн тэнцлийн алдагдал зэргээс голлон хамаарах төлөвтэй байна” гэлээ.