Монгол Улс, Япон Улс дипломат харилцаа тогтоосны 50 жилийн ойг тохиолдуулан зохион байгуулж буй “Японы кино өдрүүд 2022”-ийн нээлт “Тэнгис” кино театрт 10 дугаар сарын 25-нд болов.
Япон Улсаас Монгол Улсад суугаа Онц бөгөөд Бүрэн эрхт Элчин сайд Х.Кобаяши хэлсэн үгэндээ, “Би киног том дэлгэцээр нүргэлэх сүрлэг дуу чимээг мэдрэнгээ бүтээл бүрийн хүнд хүргэх гэсэн санааг Та бүхэнтэй хамт ойлгон мэдэрч, япон киногоор дамжуулан монголчууд Япон орон болоод япончуудын тухай илүү их ойлголттой болно хэмээн найдаж байна” хэмээв.
Энэ үеэр Корээда Хироказү найруулагчийн “Миний хүсэл” киног толилуулсан бөгөөд 100 орчим хүн үзэж сонирхов.
“Японы кино өдрүүд 2022”-ийн хүрээнд япон дуу оруулгатай, англи, монгол хэлний хадмал орчуулгатай, үнэ төлбөргүй гарч буй киноны хуваарийг танилцуулж байна.
1.“Миний хүсэл”
10 дугаар сарын 29 /Бямба/ 14.00 цагт
2. “RECALL”
10 дугаар сарын 29 /Бямба/ 18.00 цагт
3.”Пекоросийн ээж ба түүний өдрүүд”
10 дугаар сарын 30 /Ням/ 14.00 цагт
4. “Дураараа л чичир”
10 дугаар сарын 28 /Баасан/ 18.00, 10 дугаар сарын 30 /Ням/ 18.00 цагт