Сүүлийн үед Монгол орныхоо үзэсгэлэнт байгаль, түүхэн дурсгалт газруудаар аялах иргэдийн тоо олширсоор байна. Магадгүй та ч гэсэн аялдаг байх. Энэ үедээ тухайн газар сайжруулмаар, хийж хэрэгжүүлмээр санаа төрөх үе зөндөө байдаг биз дээ?
Тэгвэл Юнител Групп монгол орны 21 аймаг, 330 сум, багуудад сүлжээ нэвтрүүлэхээр хүний төвлөрөл байхгүй онгон зэлүүд байгальд очиж ажиллах үеэр анзаарсан зүйл бол дэлхийн дулаарлаас үүдэн зэрлэг амьтад усгүйдэх, харангадах эрсдэл тулгарсан байгааг анзаарч хөв цөөрөм байгууллаа.
2021 онд Говь-Алтай аймгийн Бугат суман дах их говийн дархан цаазат газар гурван хөв байгуулсан нь үр дүнгээ өгч, тухайн бүс нутгийн аргал, янгир, ирвэс, бөднө шувуу зэрэг зэрлэг ан амьтад ундаалж байгаа нь тэнд байршуулсан камерт бичигдэн үлдсэн байна.
Энэ жил ч гэсэн хөв байгуулах ажлаа үргэлжлүүлэн нутгийн байгаль хамгаалагч, малчдад хийх аргыг үлгэрлэн харуулж, хамтдаа хийж байна.
“Хөв гэдэг зүйл хийхэд амар, хэмжээ бага ч ач холбогдол маш их, зардал бага. Ус нэвтрүүлдэггүй мембран, байгалийн чулуугаар л хийх боломжтой.”
2022 онд Өвөрхангай аймгийн Есөнзүйл сум, Дундговь аймгийн Дэлгэрхангай сум, “Их газрын чулуу” байгалийн цогцолбор газруудад дөрвөн хөвийг нэмж байгууллаа. Онгон зэлүүд байгаль, зэрлэг амьтадаа хамгаалж, хөв цөөрөм байгуулан зорилготой аялахыг Юнител группийн залуус уриалж байна.
Өнөөдрийн байдлаар нийт 7 байршил дах зэрлэг амьтдад ундны усны хэрэгцээг хангах зорилготой хөв цөөрмийг байгуулжээ.
Говь-Алтай аймгийн Бугат сум. 2021 онд байгуулсан хөв
2021 онд байгуулсан хөв цөөрмөөс амьтад ундаалж байна
