Улсын хэмжээнд энэ сарын 1-ний байдлаар 132,050 тн шатахууны нөөцтэй байна. Үүнээс А-80 автобензин 8,781 тн буюу 53, АИ-92 автобензин 30,288 тн буюу 23, АИ-95 автобензин 4,493 тн буюу 34, ДТ 84,670 тн буюу 31, онгоцны түлшний 54 хоногийн нөөцтэйг УУХҮЯ мэдээллээ.
Улаанбаатар хотод 65,559 тн шатахууны үлдэгдэлтэй байгаагаас А-80 автобензин 1,182 тн, АИ-92 автобензин 15,899 тн буюу 17, АИ-95 автобензин 3,006 тн буюу 41, ДТ 41,840 тн буюу 38 хоногийн хэвийн нөөц байна. Шатахууны нөөц баруун бүсэд 16,512 тн, хангайн бүсэд 8,062 тн, төвийн бүсэд 32,914 тн, зүүн бүсэд 9,004 тн байна.
Манай улс он гарснаас хойш 1,234.1 мян.тн газрын тосны бүтээгдэхүүн импортолжээ. Үүнд А-80 автобензин 27.2 мян.тн, АИ-92 автобензин 400.7 мян.тн, АИ-95/98 автобензин 17.4 мян.тн, ДТ 628.7 мян.тн, онгоцны түлш 22.6 мян.тн, Жет А-1 21.4 мян.тн, бусад 116.1 мян.тн байлаа.