-Өнөөдөр Эрүүл мэндийн ажилтны өдөр-
Хүн амын эрүүл мэндийг хамгаалах үйлсэд 58,696 ажилтан хүчин зүтгэж байна. Өнөөдөр тэдний тэмдэглэлт өдөр юм.
Эрүүл мэндийн ажилтны тоо сүүлийн 10 жилийн дунджаас 8.3 мянгаар буюу 10,000 хүн амд 13.5-аар, өмнөх онтой харьцуулахад 2.1 мянгаар өссөн байна. Тус салбарынхныг хүйсээр нь ангилбал 48,163 нь эмэгтэй, 10,533 нь эрэгтэй байна.
Мөн нийт ажилтны
- 22.1 хувь нь их эмч,
- 5 хувь нь эм зүйч,
- 23 хувь нь сувилагч,
- 3.1 хувь нь бага эмч,
- 2.3 хувь нь лабораторийн техникч байгаа бол 44.5 хувь нь удирдах болон бусад ажилтан байгааг Эрүүл мэндийн хөгжлийн төвөөс мэдээлэв.
