Улсын хэмжээнд 242 мянган хүүхэд цэцэрлэгт хамрагдаж, тэднийг 11,800 багш сурган хүмүүжүүлж байна.
Цэцэрлэгийн хүртээмжийг сайжруулах хүрээнд Монгол Улсын Боловсролын Их Сургууль тэргүүтэй сургуулиудын консерциум хоёр ээлжээр мянган туслах багшийг бэлтгэж байна. Нэгдүгээр ээлжид 401 туслах багшийг бэлтгэсэн бол хоёрдугаар ээлжийн сургалт энэ өдрүүдэд үргэлжилж байгаа юм. Энэ ээлжид 510 хүн хамрагдаж байна.
Сургалтад хамрагдаж байгаа хүмүүс 18 кредитийн 11 төрлийн хичээл судалж байгаа юм. Төгсөгчдийг Нийслэлийн боловсролын газартай хамтран оршин суугаа хаягтай нь хамгийн ойр ажлын байранд хуваарилна. Туслах багш нарын сургалтын төлбөрийг Боловсрол, шинжлэх ухааны яамнаас шийдвэрлэв.
Эх сурвалж: БШУЯ