“Чөлөөт сэтгэлгээний дуулал-2022” яруу найргийн наадам өчигдөр боллоо. Энэ жилийн наадамд МУИС, МУБИС, ШУТИС, СУИС, ДХИС, Этүгэн зэрэг их, дээд сургуулийн нийт 35 орчим оюутан бүтээлээ ирүүлсэн байна. МУИС-ийн II түвшний оюутан Э.Доржсүрэн тэргүүн байрт, МУБИС-ийн оюутан IV түвшний оюутан Э.Цогзолмаа, МУИС-ийн III түвшний оюутан Р.Өсөхбаяр нар удаах байрт шалгарчээ.
“Чөлөөт сэтгэлгээний дуулал” наадамд тэргүүн байр эзэлсэн Э.Доржсүрэнгийн шүлгийг хүргэж байна.
Дэргэд минь үнэндээ хэн ч тогтохгүй юм шиг санагддаг
Дуу чимээ, эмх цэгц, амгалан оршихуйдаа хориг
Дэндүү эмзэг бас зожиг хүн л дээ би
Ганцаардмал ийм зожиг гэхдээ
Өдөржин гагнуур хийнэм
Гарцаагүй шийтгэл шиг мэдрэгднэм
Зарим нь хүрүүт л наалдаж
Зарим нь хүчлээд ч үл нийлэх нь
Бидний өнгөрсөн шиг бас өнөөдөр шиг санагднам
Өдөржин гагнуур хийнэм даанч сурч гийгсэнгүй
Ганцхан ийм шүлэгтэй гэртээ ирнэм