Засгийн газрын ээлжит бус хуралдаан зарлажээ. Хуралдаанаар жагсаж буй залуусын хүсэлт, шаардлагыг хэлэлцэх юм. Залуучууд бараа бүтээгдэхүүний үнийг тогтворжуулах, татварын хэмжээг бууруулах, цэцэрлэгийн хүртээмжийг нэмэх, УИХ-ын гишүүд хэмнэлтээ өөрсдөөсөө эхлэх зэрэг нийт 25 шаардлагыг Засгийн газарт хүргүүлээд буй.
Монгол Улсын Ерөнхий сайд Л.Оюун-Эрдэнэ талбай дээр тайван жагсаал хийж буй залуусын төлөөлөлтэй сая уулзаж, шаардлага, хүсэлтийг нь сонссон юм. Мөн тэрээр “УИХ-д үнэ тогтворжуулах хууль оруулсан байгаа. Батлагдана гэдэгт итгэлтэй байна. Хуулиар шатахууны үнийг 1000 төгрөгөөр нэмэгдэхээс сэргийлэх боломжийг олно гэж найдаж байгаа” гэсэн юм.
