Орчин үеийн залуус инстаграм, фэйсбүүк хаягтаа гоё чамин зураг нийтлэхийг илүүд үзэх болсон. Тэгвэл бүх насны хүмүүсийг гоё зурагтай болгож чадах газар нээгдээд удаагүй байгаа аж. Сонин сайхантай танилцахаар хаалгийг нь татах төдийд л өнгө үзэмж дүүрэн гоё орчин угтаж байв. Үүднээсээ эхлээд гэрэл цацруулж, тухлаг тохитой, дулаан уур амьсгалыг бүрдүүлсэн энэ газар бол Selfie World.
Зохион байгуулагч О.Уугангэрэл: Амралтын өдөр, ажлын өдрөөс хамаарч үйлчлүүлэгчдийн тоо янз бүр байдаг. Манайх зураг авалтын 35-40 хэсэгтэй. Үнийн хувьд том хүн цагийн 30.000, 16-аас доош насны хүүхэд 20.000. Цагийн төлбөрөө төлөөд хүссэн хэсэгтээ дуртай зургаа авах боломжтой. Жижиг гэрэл, сэлфи гар, утсаа тогтоох хөл зэргийг мөн бид бүрдүүлж өгдөг байгаа. Одоогийн байдлаар 11:00-14:00 цагийн хооронд 30 хувийн хямдрал зарласан.