Казахстаны Щучинск хотноо 2022 оны 3 дугаар сарын 12-22-нд биатлоны Ази тивийн аварга шалгаруулах нээлттэй тэмцээнд оролцож буй Монголын биатлоны шигшээ багийн тамирчид амжилттай оролцож 1 мөнгө, 1 хүрэл медаль хүртээд байна.
Өнгөрсөн ням гарагт болсон эмэгтэйчүүдийн 12.5 км-ийн ганцаарчилсан гараанд Мөнхбатын Должинсүрэн биатлоны спортоор Ази тивийн анхны мөнгөн медалийг эх орондоо авчирсан. Харин өчигдөр М.Должинсүрэн, Д.Энхчимэгийн хамт буухиа төрөлд хурд, хүч, ур чадвараа сорьж хүрэл медалийн эзэд болжээ
Мөн эрэгтэйчүүдийн 15 км-ийн ганцаарчилсан гараанд Э.Энхсайхан 6 дугаар байр шалгарсан билээ.