Хөвсгөл аймагт 3.5 магнитудын хүчтэй газар хөдлөлт болжээ. Тодруулбал, Хөвсгөл аймгийн Ханх сумын хоёрдугаар багийн Хачим гэдэг газар өчигдөр 16:14 цагт 3.5 магнитудын хүчтэй газар хөдлөлт болсон тухай мэдээллийг ШУА-ийн ООГХ-с цахим шуудангаар ирүүлсэн байна. Тус аймгийн Онцгой байдлын газраар дамжуулан тус сумын Засаг даргын Тамгын газрын дарга болон тухайн газар нутагладаг малчдаас тодруулахад, чичирхийлэл мэдрэгдээгүй бөгөөд хохирол учраагүй тухай мэдээлсэн байна.