Чили улсын зэсийн гарц нэгдүгээр сард 2011 оноос хойших доод түвшинд хүрлээ.
Зэс үйлдвэрлэлээр дэлхийд тэргүүлдэг Чили улсын гарц нэгдүгээр сард өмнөх сараасаа 15 хувиар, харин өмнөх оны мөн үеэс 7.5 хувиар буурсан байна. Зэсийн гарц буурахад юу нөлөөлсөн талаар тодорхой мэдээлэл өгөөгүй байна.
Чили улсын хувьд зэсийн гарц жилийн эхэн үед харьцангуй бага байдаг. Хэдий тийм боловч энэ онд зарим уурхайнууд хойшлуулаад байсан засвар үйлчилгээ, газар шорооны ажлаа үргэлжлүүлсэн нь гарц буурахад нөлөөлсөн байж магадгүй байна.
М.Аминаа