МАН-ын удирдлагуудын түвшинд ТНБД нарыг сольж, сэлгэн томилгоо хийх агуулга бүр Их хурлаас нь өмнө яригдсан. Гэвч одоогоор уг сэлгэн томилгоо эрчимтэй өрнөөгүй байгаа юм. Тэгвэл яамдын дэд сайдаар ажиллаж буй хүмүүсийг шинэчлэх агуулга МАН-ын удирдлагуудын түвшинд дахин яригдсан байна.
Одоогийн ихэнх ТНБД нар ТӨХК-иуд болон Төрийн банк, Хөгжлийн банкны ТУЗ-д багтсан. Эдгээрийг цэгцлэх ажлын хүрээнд тэднийг ТУЗ-өөс чөлөөлөх процесс мөн өрнөх аж. Өчигдөр /2022.02.21/ Ерөнхий сайд Л.Оюун-Эрдэнэ Хөгжлийн банкны ТУЗ-ийг 100 хувь өөрчлөх чиглэл өгсөн.
Үүнд, Барилга хот байгуулалтын ТНБД С.Магнайсүрэн багтаж буй. Энэ мэтээр цаашид тэдний хэрэгжүүлдэг эрх мэдлийг хязгаарлах бодлого баримтлах чигтэй байна. Харин яамдын дэд сайд нарын тухайд ирэх хавраас чөлөөлт хийгдэхээр яригдаж байна.
МАН дотор яригдаж буйгаар, “Ирэх 2024 оны УИХ-ын
сонгуульд шинээр өрсөлдөх боломжтой дүрүүдээ Дэд сайд, ТНБД нарын албан тушаалд
томилох замаар олон нийтэд таниулах бодлого баримтлах аж.