Монгол Бурхан шашинтны Төв Гандантэгчэнлин хийдийн Буддын гүн ухааны Дашчойнпэл дацангийн гурван шавь Гавжийн дамжаа барьж, эрдмийн цолоо хамгааллаа.
О.Батбаатар, Х.Дархан, Г.Дүгэрсүрэн нар өмнөд Энэтхэгийн Брайбүн Гоман дацанд чойрын таван боть дүүргээд дуун ухаан, шалгадаг ухаан,урлахуй ухаан, тэжээхүй ухаан, дотоод ухаан хэмээх ухааны таван их орон болон зохист аялгуу зэрэг таван бага оронд мэргэшиж гавж буюу арван бэрхийг сэтгэлдээ багтааж эрдмийн оргилд хүрдэг асан Их хүрээний гайхамшигт уламжлалыг залгуулан дамжаа барьж номын баяр хурим үүсгэлээ.
Их хөлгөний номонд мэргэшсэн лам нар нь дацан, монголын бурханы шашин төдийгүй нийт улс орон, дэлхийд ч үнэ цэнтэй эрдэнэ мэт чухаг хэмээн МБШТөв-Гандантэгчэнлин хийдээс мэдээллээ.
