“Өөрөөр нь төлүүлье” Хөгжлийн Банкны чанаргүй зээлийн талаарх хэлэлцүүлгийн үеэр комедиан Д.Амартүвшин байр сууриа илэрхийллээ.
Тэрбээр “Учир шалтгаанаа эхлээд олъё. Төрийн мөнгө гэдэг бол хэний ч мөнгө биш байдаг. Та бүхэн санаж байгаа бол Солонгосоос менежментийн баг ирсэн ч буцаагаад явуулсан. Яагаад гэдэг нь тодорхой. Гаднын хүмүүсийг явуулаад өөрсдийн хүмүүсээ ажиллуулсан. Дараа нь МАН-ынхан 2016 онд эрх барьсан ч тухайн асуудлыг өөрчлөөгүй. Энэ процесс тэд нарт хэрэгтэй байсан. Зургаан жилийн дараа гэнэт сэрж байгаа мэт зээлийн асуудлыг мэдэж байна.
Хөгжлийн Банкны хүмүүсийг халаад, шоронд хийсэн ч энэ банк байсаар байвал дараа жил ялсан нам дахиад л олон нийтийн мөнгөнөөс иднэ. Маш их мөнгө зарцуулж УИХ-д гардаг болохоор шархаа нөхөх хэрэгтэй болно. Төрийн банк гээд бас нэг арилжааны банк бий. Ялгаа байхгүй. Улстөрчид гэхээс илүү иргэдэд хандаж үг хэлмээр байна.
Иргэд улстөрчдийн санаачилж байгаа сан, банкуудыг битгий дэмжээч. Санаачлахад нь бүгдээрээ эсэргүүцэж баймаар байна. Хөгжлийн Банкийг татан буулгах хэрэгтэй гэж үзэж байна” гэв.