Монгол Улсын төрийн шагналыг МАН-ын шагнал мэтээр үнэ цэнэгүйдүүлж, хавтгайруулан тараасан үйл явдал Увс аймагт болж байна. Тодруулбал, УИХ-ын гишүүн, Төсвийн Байнгын Хорооны дарга Ч.Хүрэлбаатар Увс аймагт ажиллах үеэрээ төрийн дээд одон медалиар нийт 86 иргэнийг шагнаж, жинхэнэ утгаар нь шагналын хур буулгажээ. Дээрх шагналын дийлэнх нь Алтангадас одон бол цөөн тооны Хөдөлмөрийн хүндэт медаль байсан аж.
Шагналыг Увс аймаг дахь МАН-ын байранд гардуулсан нь “төрийн шагналыг МАН-ын шагнал мэт болгож, үнэ цэнийг нь алдагдууллаа. Хавтгайруулан шагнал тараасан нь улс төрийн оноо авах үйлдэл болж байна” зэргээр Увсын иргэдийн шүүмжлэлийг дагуулж байна.