Их Британийн шигшээ багийн хамгийн залуу тамирчин Кирсти Муир Бээжин-2022 олимпын фристайл төрөлд тавдугаар байр эзэллээ. 17 настай тэрбээр харайлтдаа 90.25 оноо авч нийт 169 оноогоор аваргуудын ард жагсжээ. Муир ” Би маш их баяртай байна. Өөрийгөө тавдугаар байранд шалгарна гэж төсөөлөөгүй. Би дөнгөж 17 настай. Цаашдаа бэлтгэлээ сайн хийж олимпоос заавал алтан медаль авах болно” гэжээ.
Тус төрөлд талбайн эзэн Эйлин Гу 188.25 оноогоор алт авч, Францын тамирчин Тесс Ледеус 187.50 оноогоор мөнгөн медаль хүртжээ. Харин хүрэл медалийг Швейцарын Матильд Гремауд хүртсэн байна.