Суурьшлын бүс тэлсэнтэй холбоотойгоор тарваганы тархац нутаг хумигдаж, улмаар идэш тэжээл хайн хот руу орж ирэх тохиолдлууд гарах болсон. Үүнтэй холбоотойгоор Нийслэлийн Байгаль орчны газар, БОАЖЯ-наас тархац нутаггүй болсон Монгол тарвагыг шилжүүлэн нутагшуулах зөвшөөрлийг авч Улаанбаатар хотын суурьшлын бүсэд тархац нутаггүй болсон Монгол тарвагыг нүүлгэн шилжүүлэв.
Тодруулбал Сүхбаатар, Чингэлтэй, Сонгинохайрхан дүүргийн нутаг дэвсгэрээс 52 бодгаль Монгол тарвагыг барьж Багануур дүүргийн нутаг дэвсгэрт шилжүүлж, нутагшилтын байдалд хяналт, судалгаа хийжээ.
Судалгаа хийхэд тухайн нүүлгэн шилжүүлсэн бодгаль тарвагануудын тоо толгой өсөж, үржсэн байна гэж нийслэлийн Байгаль орчны газраас мэдээлэв.