Хоёрдугаар сарын 2, 3-нд нарны плазмын үүлнээс үүдэлтэй соронзон шуурга дэлхийг бүрхэх аж. Энэ талаар Америкийн цаг агаарын урьдчилсан мэдээний төвийн цахим хуудсанд мэдээлжээ.
Энэ хоёрдугаар сард хамгийн багадаа долоо хоног наран дээр тэсрэлт болж, хүмүүсийн эрүүл мэндэд сөргөөр нөлөөлнө гэж нийтэлжээ.
Мөн ОХУ-ын Лебедевийн нэрэмжит Физикийн хүрээлэнгийн харъяа Нарны рентген одон орон судлалын лабораторийн мэдээлснээр, нарны соронзон агаар дэлхийн агаар мандалд хоёрдугаар сарын 2-нд ирсэн ба маргааш 3-ны өдөр хүртэл үргэлжлэх юм байна.
Нарны соронзон шуурганы нөлөө ийнхүү нэг өдөр үргэлжилж, маргааш шөнө дунд оргил дээд цэгтээ хүрэх төлөвтэй байна хэмээн эрдэмтэд графикаар танилцуулжээ.
Өмнө нь, нэгдүгээр сарын 30-нд наран дээр дөрвөн цаг үргэлжилсэн дунд зэргийн хүчтэй дэлбэрэлтийн дараа плазмын үүлийг хөөсөн байна. Соронзон шуурга түр завсарлаад, дараагийнх нь хоёрдугаар сарын 5-6-нд болох юм байна. дараагийн соронзон шуурганы нөлөө нь хоёрдугаар сарын 2-3-ныхтай ойролцоо байх аж.
Мөн, хоёрдугаар сарын 10, 18, 25-ны өдрүүдэд соронзон агаар дэлхийн агаар мандалд ирэх төлөвтэй байна. Гэсэн ч, соронзон шуургыг ийм олон хоногийн өмнөөс урьдчилан тооцоолох боломжгүй гэж үздэг. Соронзон шуурга чухам хэзээ болохыг одон орон судлаачид ойрын хэдэн цаг, ганц хоёр хоногийн өмнөхийг л тааж чаддаг гэдэг байна.
Соронзон шуурганы үеэр од эрхэс, байгалийн үзэгдэлд хэт мэдрэг хүмүүст сөргөөр нөлөөлдөг ба толгой эргэх, дотор муухайрах, ходоод гэдэс хямрах зэрэг шинж тэмдэг илэрдэг тул айж сандрахгүй байхыг эрдэмтэд сануулдаг.