Хятадын Ардын банкны удирдлага даваа гаригт бодлогын хүү 3.85 хувь байсныг нэг жилийн хугацаатай 3.8 хувь болгон бууруулаа. Харин таван жилийн хугацаатай бодлогын хүүг 4.65 хувь хэвээр хадгалсан байна.
Ингэснээр БНХАУ-ын Төв банк цар тахлаас хойш анх удаа банкны зээлийн үндсэн хүүг бууруулах шийдвэр гаргалаа. Хятадын Ардын банк хамгийн сүүлд 2020 оны дөрөвдүгээр сард бодлогын хүүгээ бууруулж байв.
БНХАУ-ын Төв банк өнгөрсөн долоо хоногт үл хөдлөхийн салбарт бий болсон өрийн хямралаас үүдэлтэй эдийн засгийн хүндрэлийг сааруулах зорилгоор арилжааны банкуудын нөөцөд зайлшгүй байх шаардлагатай бэлэн мөнгөний хэмжээг бууруулах шийдэр гаргасан. Харин энэ удаа бодлогын хүүг бууруулсаар аж ахуйн нэгжүүд болон өрхүүдийн зээлийн хүүгийн дарамтыг бууруулж, эдийн засгийн өсөлтийг дэмжинэ гэж тооцож байгаа аж.
Хятад улс нь цар тахлаас улбаатай эдийн засгийн хямралын шокоос ангижирч чадсан дэлхийн хамгийн анхны том эдийн засаг болж байв. Гэвч шинжээчид өнгөрсөн долдугаар сараас хойш тус улсын ДНБ-ий 30 хувийг бүрдүүлдэг барилгын салбарт томоохон өрийн хямрал бий болж, олимпын наадамтай холбоотойгоор эрх баригчдын зүгээс ковидыг үл тэвчих хатуу бодлого хэрэгжүүлж эхэлсэн нь тус улсын эдийн засгийн өсөлтийг боомилсон гэж дүгнэж байгаа юм.
Эх сурвалж: CNBC