“Toyota Motor” компани аравдугаар сард 627 мянган нэгж автомашин үйлдвэрлэснээ тайлагналаа. Өөрөөр хэлбэл гарц нь өнгөрсөн оны мөн үеэс 25.8 хувиар буурсан байна.
Харин тайлант хугацаанд “Toyota Motor” олон улсад 677 мянга гаруй автомашин борлуулсан нь өнгөрсөн оны мөн үеэс 20 хувиар буурсан үзүүлэлт болов.
Хагас дамжуулагч болон эд ангиудын хомсдол автомашин үйлдвэрлэгчдэд нөлөөлсөн хэвээр байгааг статистик мэдээллээс харж болохоор байна. Мөн Зүүн Өмнөд Азид “коронавиус”-ийн халдварын тархалт өндөр байгаа нь нийлүүлэлтэд сөргөөр нөлөөлж байгаа юм.