Төв аймгийн төвөөс баруун хойд зүгт 266 км-т Заамар сумын Доргонот гэдэг газар нэр бүхий компанийн таван ажилтан загасчилж яваад “Прадо-150” загварын суудлын автомашинаар Туул голыг гатлах явцад автомашин нь голын усанд суужээ. Улмаар хоёр хүн голын усанд осолдсон тухай дуудлагыг аймгийн Цагдаагийн газраас 10.05-ны өдрийн 22:21 цагт онцгой байдлын албаныханд өгчээ.
Арваннэгдүгээр сарын 1-ний өдрийн байдлаар нийслэлийн Сүхбаатар дүүргийн харьяат иргэн О /53 настай, эрэгтэй/-г эрэн хайх ажиллагааг тус аймгийн Онцгой байдлын газрын Эрэн хайх, аврах салбар, Үндэсний аврах бригадын алба хаагчид, ар гэрийнхэн хоёр бүлэгт хуваагдан эрэн хайх ажиллагааг зохион байгуулсан.
1 дүгээр бүлэг Хайлааст багийн “Дүүжин гүүр” гэдэг газраас “Тул харайдаг” гэдэг газар хүртэл 30 км-т завиар, 2 дугаар бүлэг /Үндэсний аврах бригад/ “Орхонтуул” гэдэг газраас “Орхонтуул”-ын бэлчир гэдэг газар хүртэл 40 км-т завиар, голын эрэг дагуу 60 км-т автомашинаар эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 18:00 цагт ОБЕГ-ын даргын шийдвэрээр зогсоожээ.